OLYMPUS

NOVIRS компаниясы әлемдік өндіруші Olympus компаниясының заманауи, технологиялық медициналық жабдықтарының ресми дистрибьюторы болып табылады.

Бұл компанияның тарихы 100 жылдан астам уақыт бұрын басталды. Ол 1919 жылы Жапонияда құрылып, ішкі нарыққа арналған микроскоптарды шығаруға маманданған.

1950 жылы Olympus компаниясы әлемдегі алғашқы гастрокамераны әзірлеп, медицинада нағыз серпіліс жасады. Бұл онкологиялық аурулар арасында басым болып, ерте диагностикалауға арналған тиісті құралдардың жоқтығынан көптеген адамдардың өмірін қиған асқазан обырын диагностикалауға айтарлықтай үлес қосуға мүмкіндік туғызды.

Уақыт өте келе компания үлкейіп, бүгінде ол оптикалық және сандық жоғары дәлдікті технологияларды әзірлеу мен өндірудегі көшбасшыға айналды. Olympus сауда өкілдіктері әлемнің түпкір-түпкірінде орналасқан, бұл ыңғайлы логистика мен сапалы, білікті техникалық қызмет көрсетуді қамтамасыз етуге мүмкіндік береді.

Қазіргі заманғы медицина эволюциясының негізгі векторы "ең аз араласу" принципі болып табылады: ауқымды, қуыстық хирургиялық оталар көбінесе эндоскопиялық оталармен ауыстырылуда – мұнда дәл осындай нәтижеге жету үшін кішкене тілік пен жоғары дәлдіктегі эндоскопиялық жабдық жеткілікті. Бұл асқыну қаупін азайтуға, отадан кейінгі оңалту кезеңін қысқартуға және жеңілдетуге мүмкіндік береді.

Olympus компаниясының негізгі миссиясы – дәрігерлерді әртүрлі ауруларды диагностикалау және аз инвазивті емдеу мақсатында ең заманауи және эргономикалық жабдықпен қамтамасыз ету арқылы адамдардың өмір сүру сапасын жақсарту, осылайша медицинаны барған сайын жоғары стандарттарға бағыттай отырып, пациенттерге барынша жайлылық, қауіпсіздік және жоғары өмір сүру сапасын қамтамасыз ету арқылы алға жылжыту.

---

 

SONY

Жапондық Sony трансұлттық электронды корпорациясының тарихы 1946 жылдан бастау алады. Бүгінгі таңда Sony компаниясы тұтынушылық және кәсіби электрониканың әлемдегі ең ірі өндірушісі болып табылады.

Sony компаниясы медицина, денсаулық сақтау және биотехнология саласындағы жұмысын 2010 жылы бастаған. 2013 жылы жоғары технологиялар нарығының флагмандары Sony және Olympus ең заманауи бейнелеу (визуализация) технологияларымен жабдықталған жоғары технологиялық медициналық жабдықты өндіруде бірлесіп жұмыс істеу үшін Sony Olympus Medical Solutions Inc. бірлескен кәсіпорнын құрды.

Сапалы, айқын, контрастық бейнелеу тиімді диагностиканың негізгі факторларының бірі болып табылады. 4K, 4K-3D, 3D инновациялық технологияларын және соңғы IP шешімдерін енгізу визуализацияны айтарлықтай оңтайландыруға мүмкіндік беріп, қарапайым ота бөлмесін ақылды цифрлық кеңістікке айналдырады.

NOVIRS компаниясы Sony компаниясының жоғары технологиялық медициналық жабдықтарының ресми дистрибьюторы болып табылады, ол жабдықтар біздің каталогта келесі позицияларда ұсынылған:
 - медициналық камералардан және басқа да бейнелеу құрылғыларынан кескіндерді жоғары ажыратымдылықта (4К дейін) көруге мүмкіндік беретін Sony хирургиялық мониторлары;
 - жоғары ажыратымдылық пен контраст дәрежесін сақтай отырып, алынған кескіндерді басып шығаруға мүмкіндік беретін ықшам медициналық принтерлер;
 - жазбаның бастапқы сапасын жоғалтпай, ақпараттың компьютерде немесе сыртқы тасымалдағышта сақталуын қамтамасыз ететін бейнерекордерлер.

Негізгі медициналық мекемелер мен шағын медициналық кабинеттерді цифрландыру – азаматтарымыздың денсаулығы мен ұзақ өмір сүруінің кілті, біздің және балаларымыздың болашағына жасалған баға жетпес инвестиция.

NOVIRS компаниясының серіктесі атаныңыз – Орталық Азия аумағындағы медицинаның дамуына өз үлесіңізді қосыңыз!

---

 

NOVIRS компаниясы ресми дистрибьютор ретінде жабдықты Германия мен Жапониядағы Sony және Olympus өндіруші зауыттарынан тікелей жеткізеді. 
Жеткізу мерзімі 90-120 күнді құрайды.

Бізден жабдықты сатып алғанда, сіз оның түпнұсқалылығына және ең икемді баға шарттарына сенімді бола аласыз.